فتاوى القهاوي ، فتوى موديرن ... زي متحب تقول قول ... شفت برنامج عم يتساءلون على قناة دريم بتاع مذيع اسمة احمد عبدون .. انا مش هتكلم عن شكلة ان ينفع يكون مذيع فى برنامج ديني والا لاء انتوا ممكن تحكموا وعلى العموم الناس مش بالشكل لكن هذا المذيع ربنا يهديه بيعمل كل حاجة فيها اثارة عشان البرنامج بتاعة يشتهر حتي لو كان دة على حساب الدين ( عجبي ) طبعا مهو الزمن ده الدين مباح لكل من هب ودب يتكلم فيه براحتوا ويقولك انا راي وانا شايف ووجهة نظري ، المهم الأخ المحترم جبلنا دكتورة اسمها سعاد صالح واتكلموا البهوات فى موضوع النقاب والأخوات المنتقبات والهانم والبيه هاتك يا تريقة على النقاب والمنتقبات بألفاظ وكلام وامثلة لا تليق بدكتورة متخصصة فى الفقة بتقول انها بتشمئز من المنتقبات اه والله قالت كده ( بشمئز ) وانه مش من شعائر الإسلام وليس فضيلة ولا مستحب وانه عادة جاهلية وعمالة تستشهد والبية طبعا عمال يجيب امثلة ويقرا ايميلات ورسائل اس ام اس للمؤيدين لكلامها بس، وعمال يحكي فى ان واحدة قالتلة ان جاريتها منتقبة وبتعمل وبتعمل وان فيه وحدة منتقبة ضربت وحدة بالألم فى الأتوبيس ويجيب وحدة متصلة تقول انها بتخاف منهم وان دة ضد التحضر وومكن وحدة منقبة تلبس راجل والدكتورة سعاد تقول انها بتقيد رئيس جامعة حلوان فى عدم دخول المنتقبات المدينة الجامعية والحرب اشتغلت على المنتقبات لمصلحة مين طبعا انتوا عارفين والدكتورة عمالة تعك ومحدش طبعا موجود يرد عليها غير البية اللي شغال بمزاجة فى البرنامج ، الموضوع تم اثارتة بصورة فيها هجوم على الدين وبصورة فجة والدكتورة بتغلط وتتمادي فى الغلط وتقولك انا كنت هخش فلم يعقبيان فى السيما طب والنبي عايزين تخدوا منها فتوى الزاي دة وعلى العموم يا دكتورة يا فاضلة كنت نفس تشمئزي من حاجات تانية كثير غير النقاب. وانصحك تقري كتاب ( تحذير اكلي الجاتوه من حرمة لبس المايوة )
ابو انس
