الداعية مصطفى حسني خريج كلية التجارة جامعة عين شمس و يعمل مذيع بقناة أقرأ يقدم برنامج اما بعد وبرنامج احلي حياة وهي برامج مميزة ، انا بصراحة منبهر بهذا الشاب الداعية فأسلوبة فى إدارة الحوار رائع يمس القلب والجوارح واشعر فى كل كلامة باخلاص شديد نحسبة على ذلك ولا نزكي على الله احد.
المهم ، امبارح كنت مستني برنامج رياضي على قناة دريم فوجدت الداعية مصطفى حسني على القناة فى برنامج شبابيك ،البرنامج دة بيقدموا اربعة شباب ولدين وبنتين فوجدت ان اللي بيحاور الداعية مصطفى حسني الولدين فقط !!!وبعد انتهاء فقرتة رجعت البنتين عشان يكملوا البرنامج ، بصراحة احترمتة جدا جدا لأنة بصراحة لأني حتي عندما كان ضيف على برامج دينية فى قناة اقراء ويحاور مذيعة محجبة لا ينظر اليها مطلقا يستمع فقط ونظرة فى اتجاه اخر ربنا يباركفية
والعكس لدعاة اخرين !!!! انا مش عارف اذاي الواحد يقتنع ويسمع كلام من داعية وهو يحاور أمراء متبرجة لأني شفت برامج كثير لدعاة وعلماء بيشتركوا فى برامج حوارية لمذيعات متبرجات وضيوف ما يعلم بيهم إلا ربنا حتي انهم بيجيبوا الداعية او الشيخ يتريقوا علية ويعترضوا على كلامة وكل واحد يفتي برأية ويعترض على كلام المفروض انه داعية ومتخصص والضيوف الأخرين عبارة عن كاتبة صحفية او فنانة او فنان ، زي البرنامج اللي اتكلموا فية عن ختان المراءة والحجاب وغيرة ومش عارف راجل دين يرضي يظهر فى برامج زي كده لية ، حد شاف الشيخ محمد حسان مثلا ظهر فى اي برنامج فية مذيعة ولو محجبة او الشيخ وجدي غنيم طبعا لاء .
لية الداعية اللي يطلبوة فى برامج حوارية زي كدة واذا كان مطلوب رأي الدين فيها ميفرضتش شروطة على البرنامج ، واللا الموضوع ان هو عايز يظهر وخلاص عشان الشهرة والإنتشار بالله عليكوا فى راجل دين ينفع يطلع فى برنامج هاله شو !!!!! طبعا كارثة وللأسف حصلت .
ربنا يعافينا ويرزقنا الإخلاص .......... آمين
ابو انس
No comments:
Post a Comment